وصف المدون

موقع يهتم بالعمل الحر والتجارة الإلكترونية و كوبونات وعروض وخصومات المتاجر والمواقع ونصائح الشراء

احدث المقالات

سوء التغذية: المشكلة الغائبة للفريلانسرز

 من اكبر المشاكل الي بيعاني منها الفريلانسر ومحدش بيتكلم عنها خالص هي سوء التغذية، وفي المقال ده هنتكلم شوية عن مشاكل التغذية والاكل بشكل عام لو انت شغال عمل حر من البيت.

 

سوء التغذية: المشكلة الغائبة للفريلانسرز

أهمية التغذية السليمة للعمل الحر

يعاني العديد من الفريلانسر من مشكلة سوء التغذية دون الحصول على الاهتمام الكافي بها، وتعتبر هذه المشكلة غير متحدث عنها بشكل كافٍ في النقاشات حول حياة العمل الحر.

حيث يواجه الفريلانسرز تحديات في تحديد نمط غذائي صحي بسبب طبيعة عملهم المتقلبة وضغوط الوقت يجدون أنفسهم غالبًا يعتمدون على وجبات سريعة الإعداد وغير صحية، مما يؤثر سلبًا على صحتهم وأدائهم اليومي.

تأثير العمل الليلي على نمط الأكل

اغلب الفريلانسرز بيفضلوا الشغل بالليل، والشغل بيحب النقنقة خصوصًا لو فيه مشروع كبير او ضغط شغل بتلاقي نفسك بتطلع الضغط النفسي على هيئة شراهة للأكل، والموضوع ده بيكون صعب جدًا لو انت عازب او مغترب.. هتلاقي نفسك بتطلب اكل دسم بالليل وطبعًا مش بتتحرك كتير فده للأسف بيعمل مشاكل كتير غير ما انت متوقع وخصوصًا على المدى البعيد.

اعرف واحد صديقي بيخصص 10% من دخله الشهري بس عشان وجبات الليل، مكدبش عليك الموضوع ده فعّال وبيخفف ضغط الشغل بس ده بيأثر سلبًا على المدى البعيد.


حلول عملية لتحسين التغذية

حل الموضوع ده بالنسبالي كان اني استثمر يوم الجمعة عشان أحضّر وجبات الأسبوع كله، شوية رز مع شوية فراخ وببدأ احسب الوجبات دي على المقدار اللي جسمي محتاجه من السعرات الحرارية، وبعدها اقسمهم وأحطهم في الفريزر ووقت ما أجوع أسخنهم في الميكرويف.

على الرغم من ان موضوع التسخين في الميكرويف مش صحي، الاكل يتجهز كل يوم أفضل ، الاكل فتره طويلة في التلاجه الدكاترة بتقول في ميكروبات بتعمل مشاكل.

كمان في حل من شهر واحد والواحد محافظ عليها بجيب جبنة قريش وبعمل طبق سلطة كبير وشكراً الجبنة القريش فيها بروتين بطيء الامتصاص وكمان السلطة فيها ألياف وبتساعد علي الشبع، دا حل بسيط للي حابب ياكل اكل صحي ومش مكلف

قد يهمك: خمسة خرافات خاطئة حول العمل على الإنترنت


التأثير الإيجابي لتغيير نمط الأكل على الصحة والأداء

الطريقة دي ساعدتني جدًا اني اقلل اكل من برا وبالتالي الموضوع انعكس بشكل كبير على صحتي وتركيزي في الشغل، كون ان الاكل جنبك على طول وقت ما تحتاجه فده مش هيديك مساحة انك تعك وتطلب من برا.

ولو مش بتعرف تطبخ لو معندكش حد يطبخلك فيه براندات كتير بتعمل باكدچات اكل صحي شهرية او أسبوعية، وبيوصلوها ليك يوميًا وده هيبقى احسن بكتير جدًا من انك تطلب فاست فوود من الشارع.


استثمار الصحة: رأس مالك الأهم

احسن استثمار تعمله في حياتك هو استثمارك في صحتك، جسمك هو رأس مالك.. متهملش فيه.

يا جماعة، الأكل مش مجرد شيء ناخده عشان نشبع جوعنا، ده حياة وصحة وعافية. لازم نتأكد إننا نختار الأطعمة الصحيحة قبل ما نبدأ في شغلنا. لازم نفهم إن جسمنا مش هيشتغل بشكل صحيح إذا ما كان مغذي بالطريقة الصحيحة. فالتغذية السليمة مش مجرد شيء مهم، ده شرط أساسي لنجاحنا في الحياة وفي شغلنا الحر.

في النهاية لو حابب تشاركنا تجربة خاصة بيك يسعدنا ذلك لتعم المنفعة على الجميع.

بواسطة: Muhammad Sameh

ليست هناك تعليقات
إرسال تعليق

Back to top button