ميزات External API انستجرام لمساعدة المستخدمين في مشاهدة الريلز بشكل افضل
انستجرام أعلن رسمياً انه هيتم اطلاق External API خاصة بالريلز.. معناه ايه الكلام ده؟ الكلام ده معناه ان انستجرام هتعطي صلاحية للـ Social Media Management Tools اللي زي Buffer و Hootsuite انهم يضيفوا مميزات جديدة في منصاتهم تسمح للمستخدمين بجدولة الريلز عن طريقهم، زي مابيحصل دلوقتي في بوستات فيس بوك وانستجرام.
كمان هيكون في dashboard مخصصة لاحصائيات كل Reel، في كل الارقام والتحليلات الخاصة بالفيديوهات، علشان تقدر تعمل Track عليها بشكل كويس.
وده بيفتح الطريق بشكل أكتر قصاد الريلز علشان تسيطر أكتر على عالم المحتوى الفترة الجاية على فيس بوك وانستجرام.
وعلى حسب كلام انستجرام، الريلز حالياً هي المحتوى الأكثر مشاهدة، والأكثر تفاعلاً، والأسرع انتشاراً على الاطلاق، وحالياً 45% من مستخدمي انستجرام بيتفاعلوا مع الريلز يومياً.
مصادر: Creatovamagazine
