لغة القالب
ابحث عن ما تشاء

كيف بختار الهاتف المناسب لاستخدامي؟

 كيف بختار الهاتف المناسب لاستخدامي، عندما نقترب من قرار شراء هاتف ذكي جديد، يجب أن نكون حذرين وننتبه لعدة جوانب مهمة تؤثر على تجربتنا اليومية.

 في هذا المقال، سنلقي نظرة على العوامل الرئيسية التي يجب مراعاتها عند اختيار الهاتف المثالي لاحتياجاتك.

كيف بختار الهاتف المناسب لاستخدامي؟



◾وقت بدنا نشتري هاتف لازم ننتبه ع كتير شغلات وهالشغلات هنن :

🔸 الشاشة 🔸المعالج 🔸الكاميرا 🔸 البطارية والشحن 🔸الشبكة والاتصال 🔸الذواكر 🔸التصنيع والحماية

🔸نظام التشغيل

◾طبعاً رح نبلش فيهن وحدة وحدة :


🔺الشاشة : 

طبعاً فينا منقول من الشغلات يلي كتير مهمة لانو هيي يلي بتعرضلنا كلشي واذا انضربت تصليحها نص حق الجهاز 💔 

لهيك لازم ندقق ع نوع الشاشة وحجم الشاشة ومعدل التحديث ودقة الشاشة :


🔹عنا أنواع للشاشة :

1- OLED :

هاد أفضل واحسن شي وبفيد يلي بدو الوان مرتبة وسطوع حلو

2-IPS LCD أو LCD :

هاد أرخص من ال OLED وألوان واقعية وعمرو اطول 

3-TFT :

طبعاً هاد أسوأ شي.. الوان سيئة وعمرو قصير وجودتو زبالة

🔹عنا حجم الشاشة :

طبعاً ما لازم يقل عن 6.5 بوصة يعني مشان الواحد يشوف شو يقرا ويكتب

🔹عنا معدل التحديث :

هاد كتير مهم مشان سلاسة الانتقال بالجهاز يعني عالقليلة يكون 90Hz

🔹عنا دقة الشاشة :

ما بدا شرح ع القليلة FHD

بالإضافة في الإضاءة لازم تكون nit-600 معدل حساسية اللمس أقل شي 180Hz 


🔺المعالج :

طبعاً انا بنظري هاد أهم شي بالجهاز لأنو مسؤول عن تنفيذ كل العمليات وتشغيل كل التطبيقات لحتى نختار معالج لازم ندقق ع نوع المعالج وتردد المعالج ودقة التصنيع وعدد الأنوية:

🔹عنا انواع المعالج :

1-Apple A

2-Qualcomm Snapdragon 

3-Samsung Exynos

4-Hwawei Kirin

5-Mediatek 

طبعاً مافينا منحكم اي أفضل لانو كل معالج بيجي بمواصفات شكل بس بشكل عام ال apple 🍏 يعتبر الأفضل 

🔹عنا تردد المعالج :

ما لازم يقل عن 1.8GHz وهي مشان سرعة الشغل والمعالجة وكل ما صارت أعلى كل ما صارت أفضل 

🔹عنا دقة التصنيع :

طبعاً دقة التصنيع بتنقاس بالنانومتر.. وكل ما قلت دقة التصنيع كل ما كان المعالج أفضل من ناحية استهلاك البطارية ودرجة الحرارة يعني دقة تصنيع 10nm أفضل من 12nm. 

🔹عنا عدد الأنوية :

أغلب الأجهزة عم تجي 8 أنوية والامور تمام 👌 

🔺الكاميرا :

لا حدا يقول انو هي الكاميرا دقتها 1000 ميغابيكسل اذا امورها تمام ولازم اخد الهاتف... ❌

اوعا ثم اوعا ثم اوعا تدقق ع الكاميرا كم ميغابيكسل... 

بالبداية بتنبته ع فتحة العدسة كل ما كانت أقل كل ما ساعدت بتمرير ضو اكتر... ✔️ 

طبعاً مو يعني انو نهمل الدقة.. بس لازم كمان ننتبه عالقصص التانية مشان ما ننغدر 

كمان لازم يكون في مثبت بصري OIS وتركيز الكتروني EIS وتركيز تلقائي وتقريب بصري كويس  

🔺الشحن والبطارية :

أكيد يفضل نجيب هاتف بيدعم الشحن السريع ولازم نركز ع الشاحن والبطارية... 

🔹الشاحن :

 لازم يدعم شحن سريع أقل شي 15W 

🔹البطارية :

 لازم اقل شي تكون 4000mAh وتكون من نوع كويس متل Li-Long

🔺الذواكر : 

عنا نوعين Rom و Ram :

1-ROM:

هون شي مهم كتير مشان حفظ الملفات والصور وكل ما زادت كل ما كان احسن ولازم نركز ع حجم الذاكرة والاصدار 

🔹حجم الذاكرة : 

يعني ال 64Gb منيحة بس بما انو الامور عم تطور يفضل ال 128Gb 

🔹إصدار الذاكرة :

 أقل شي لازم يكون UFS 2.0

2-RAM:

هي يلي بتحتفظ بالتطبيقات شغالة بالخلفية ولازم بس بدنا نجيب هاتف نركز ع شغلتين حجم الذاكرة ونوعها 

🔹حجم الذاكرة :

 أقل شي 4Gb ويفضل 6Gb لانو التطبيقات عم ينزللها تحديثات يومياً وعم تصير اتقل 

🔹نوع الذاكرة : 

أقل شي لازم LPDDR3 والأفضل يكون LPDDR4 

🔺الشبكة والاتصال :

وهون منحكي عن شبكة الاتصال والwifi وال Bluetooth وال nfc 

🔹شبكة الإتصال :

 أقل شي لازم تكون 4G ويكون الجهاز مو معدن وأفضل الاجهزة بقصة الشبكة Hwawei 

🔹الواي فاي :

 لازم اقل شي اصدار 5 

 ‏

🔹البلوتوث : 

لازم أقل شي إصدار 5

🔹ال nfc : 

لازم الجهاز يكون بيدعم nfc 

🔺التصنيع والحماية :

 يفضل انو يكون ظهر الجهاز من الزجاج والإطار من المعدن طبعاً والشاشة يكون عليها طبقة حماية Gorella glass  ويفضل يكون الجهاز مقاوم للماء والغبار ب معيار IP68

🔺نظام التشغيل :

عنا نظامين تشغيل مشهورين IOS و ANDROID 

طبعاً لازم ننتبه ع قصة الدعم.. يعني لازم نختار نظام يكون حديث ومدعوم لعدة سنورات لقدام.. مو نختار مثلا 5.1.1 وهاد الدعم خالص عنو وصار قديم.. 



بواسطة: م/ Yazan Mahmoud‎‏ 

              
ديسمبر 22, 2023

عدد المواضيع