كيفية الوقاية من اختراق الحسابات على الفيسبوك
كيفية الوقاية من اختراق الحسابات على الفيسبوك: كلمات مرور قوية وتغيير دوري وتفعيل المصادفة الثنائية. تجنب فتح الحساب على أجهزة غير آمنة.
الموجة المنتشرة حاليأ وهيا اختراق عدة حسابات فى الفيسبوك ركز فى المقالة عشان مترجعش تقولى حسابى اخترق
الأسباب الاول عشان تفهم ليه الحسابات بتخترق خصوصا الفترة الاخيرة
خلينا الاول نقسمها لطرقتين
اول طريقة بشكل عشوائي بمعنى ان حسابك يتسرق بدون استقبال اى شئ ودا ليه عدة اسباب
اولاً كلمة المرور الضعيفة والمكررة بمعنى للاسف الزهايمر اللى عندنا
انك بتعمل كلمة مرور واحدة لكل المواقع ونفسها بتكون كلمة باسورد الفيسبوك للاسف الإختراق هنا بيتم عن وسيط او مواقع بيتم اختراقها وتسريب البيانات منها وبيكون كمة المرور واحدة لكل حسابتك اللى بيسحب داتا لمواقع بيقدر يجرب كلمة المرور على حسابات البريد الفيسبوك او مواقع تواصل المختلفة وهنا كلمة المرور اللى انت عامل بيها تسجيل فى اكتر من موقع نفسها بتاعت البريد والفيسبوك عشان كدا بسهولة بيتم اختراق جميع حسابتك عشان كدا دايما بقول خلى كلمة مرور مختلفة فى كل موقع او منصة تشترك فيها
تانى سبب كلمة المرور الضعيفة دا بيسهل اى هاكرز يقدر يعمل هجوم القوة الغاشمة او bruteforce وللاسف فى برامج كتير حاليا وادوات بتسهل عمليه تخمين كلمة المرور كل ما كانت كلمة المرور صعبة بيكون صعب تخمينها
السبب الثالث عدم تغير كلمة المرور لفترات طويلة ايضا تخلى حسابك يخترق وانت شايف داتا اللى بتباع فى كل مكان اللى فيها ايميلك وكلمات المرور بتاعتك وارقام الهواتف عشان كدا حاول كل فترة تغير كلمة المرور
والسبب الاخير ارقام الهواتف او البريد اللى بيكون مربوط فى حسابك وبيوقف مثلا مثل ايقاف خط الهاتف او تغيره ايقاف البريد او نسيان كلمة المرور بيكون سهل اى شخص يحصل على رقمك او بريدك يقدر يسحب حسابك لان بلاحظ ناس كتير بتغير ارقامها او بتوقف وبتكون مربوط بيها حسابتها وبيقدر يحصل عليها اشخاص تانية وبيفتحوا حسابتك بعد كدا
دا بالنسبة للاختراق العشوائي للحسابات
اما الاختراق بشكل مباشر او استهداف الشخص
اغلبها بيكون عن طريق استقبال روابط ملفات او تحميل فيروسات ابسط شي انك متستقبلش اى حاجة او تحمل اى حاجة انت مش عارفها
كمان بلاش تفتح حساب ليك على اى جهاز مختلف غير بتاعك
اهم شي عدم الاستهانة بخطوات الحماية المتاحة فى حسابك وقم بتفعيلها كلها بلاش فكرة تكبير الدماغ او كلمة هو فى حد هيخترقنى
فعل المصادفة ثنائية دا امر ضرورى اتاكد من بريدك ورقم الهاتف انه يعمل كلمة مرور قوية بلاش كلمة مرور مكررة فى كل المواقع اللى بتسجل فيها بلاش بيانات وهمية بلاش تضيف حد غريب بطل اى حد يبعتلك حاجة على مسنجر تحملها او تستقبلها وبعد كل دا برضو هتخترق لان للاسف ناس حتى بتكسل تقراها.
بواسطة: م/ Mohammed Amin
