لغة القالب

كيف تعرف مقاس النظارة الخاصة بك من الارقام؟

 

نظارة متروكة علي حاسوب محمول

بما أنه قررت نشري نظارة جديدة في بعض المعلومات الي ممكن متعرفهاش على كيفية أختيار مقاس النظارة بعد تقرير نوع النظارة الي تناسبك.


اكيد كلنا بعد تفتح اي نظارة تجد انه في داخل ادرع النظارة في اكواد ورموز مش مفهومة وعلى الجهة التانية من الدراع النظارة تلقاء الدولة المصنعة او الشركة الراعية المهم مش موضوعنا الدولة او الشركة موضوعنا معنى الرموز و الاكواد وكيف أنه شيء كهذا يأثر على راحة استخدامك لنظارة.


هناخدوا مثال بسيط على الاكواد هذي والرموز وعلى ضوها نشرحوا معنى الرموز و الحروف مثلاً لقيت هذي الجملة (I (60.16–145 على أحد الأدرع في النظارة. 


اول شيء لزم نعرفوا كيفية قراءة الرمز هذا وشن يعني في البداية لزم نبدوا في القراءة من جهة اليمنى يعني في حال المثال هذا هنبدوا من الرقم 145 تمام لي تواه العملية واضحة لكن شن معنى الأرقام هذي 145 خلي نتفقوا انه بعد العلامة – ناخدوا الأرقام الي قبلها من جهة اليمنى في الحالة هذي عندنا 3 ارقام 145 يقصد بـ الرقم هذا هوا طول الدراع الخاص بالنظارة هوا 145 ملليمتر او لو بسنتيمتر هتكون هكي 14.5 وبهكي عرفنا طول الدراع النظارة الخاصة بينا 


اما الرقم الي بعد علامة – في حالة المثال هوا 16 يقصد بالرقم هذا هوا طول الفاصل بين عيونك او منطقة الي فوق الخشم ولو تبي تعرف المصطلح الأصلي هو طول جسر النظارة عندنا في المثال هوا 16 يعني 16 ملليمتر او لو بسنتيمتر هتكون 1.6 وهذا طول جسر النظارة او المسافة الي تكون في منتصف الوجه.


وبعد ما عرفنا الرقم الأول الي قبل العلامة – عرفنا الرقم الي بعد العلامة فاضل لينا الرقم الي بعد طول جسر النظارة الي هوا 60 يقصد بيه هوا المقاس الخاص بالعدسة الخاصة بالنظارة يعني في الحالة هذي عندنا المقاس لكل عدسة هوا 60 ملليمتر او لو بسنتيمتر هتكون 6.0 وبهكي عرفنا طول الدراع و طول الجسر و مقياس كلا العدستين.


- محمود حسين
- ‏مدون تقني

 

يوليو 27, 2022

عدد المواضيع