طريقة لفك الرصيد المعلق على باي بال Unlocked Balance on PayPal

يشاركنا Mohamed Elghdban تجربته فى فك حظر استلام اموال باى بال pay pal المحجوزة لمدة 30 يوم وذلك لضمان تلك الاموال عبر هذه السطور التالية واللتى ستمكنا من معرفة اسهل طريقة لاستلام حوالات باى بال داخل الحساب بدون تأخير ان شاء الله.

هل لديك رصيد معلق على حساب باي بال الخاص بك؟ إذا كان الأمر كذلك، فلا تقلق، هناك طريقة بسيطة لفتح الرصيد المحجوز على باي بال. في هذا المقال، سنشرح الخطوات التي يمكن اتباعها لفك الرصيد المعلق على باي بال والحصول على أموالك المحجوزة.

طريقة لفك الرصيد المعلق على بيبال 👌

لو وصلك رصيد من حساب شخصي على باي بال غالبا بيتم تجميده لمدة 30 يوم ومش بتقدر تتصرف فيه خلال الفترة دي، طبعا ده مجرد إجراء وقائي من الباي بال عشان النزاعات، لكن تقدر تفك التجميد بالطريقة البسيطة دي..

لماذا باى بال paypal يقوم بأحتجاز وتعليق المدفوعات

طبعا تجربتي كانت إني اتواصلت مع دعم باي بال وكلمني واحد تونسي اسمه أيمن،

باى بال يضيف الدعم العربى لموقعه PayPal adds Arab support to its site

وبعد ما سألني انت أهلاوي ولا زملكاوي وقعدنا نحكي عن نهائي إفريقيا ونسيت أنا كنت متصل ليه أساسا 😂 طلبت منه إنه يلغي التجميد عن الرصيد الموجود في حسابي عشان يتسحب للبطاقة أول الشهر قالي ثواني ولاقيت حسابي بيعمل ريفريش والمبلغ بقى متاح.

طبعا الموضوع بيكون أسهل لما الحساب بيكون محصلش عليه نزاعات قبل كدة وعمل معاملات كتير وكمان لو كان المبلغ مش كبير.

نقطة تانية أيمن قالي عليها وهي إن الحسابات المصرية ساعات بيحصلها مشاكل في السحب التلقائي، فلو رصيدك ما اتسحبش في يوم 1 اسحب يدوي وابعت للدعم وهيرد رسوم السحب اليدوي.

* ازاي تتواصل مع الدعم 🤔

هتدخل من حسابك في باي بال على الدعم Help وبعدين Contact us وتختار Call us هتلاقي ظهر ليك 6 أرقام دي الدعم بيستخدمها للتحقق من حسابك وهتحتاجهم في المكالمة ، بعد كدة هتتصل على دعم الباي بال العربي من الرقم ده 4203 1536 355+.

تقدر تستخدم أي تطبيق على الموبايل للاتصال مجانًا وده تطبيق بستخدمه واللي بيوفر مميزات كتير، هتدخل للرابط ده

dingtone.me/#free-international-calls

وفي آخر الصفحة هتلاقوا روابط تحميل التطبيق للأندويد والآيفون، هتحمل التطبيق وتعمل الاتصال وتطلب فك التجميد عن رصيدك وطبعا تقدر تسأل على أي حاجة تانية.